බැරලයක මිල ඩොලර් 120 දක්වා ඉහළ යා හැකි බවට අනතුරු ඇඟවීම්
www.bbcmirror.lk
www.Lankawebnews.lk
මාධ්යවේදීනි ෆාතිමා සෆාන්
ලන්ඩන් ICE හුවමාරුවේ බ්රෙන්ට් (Brent) බොරතෙල් බැරලයක මිල 2026 ජූනි 8 වැනිදායින් පසුව පළමු වතාවට ඇමෙරිකානු ඩොලර් 96 සීමාව ඉක්මවා ගොස් ඇත.
වෙළඳ දත්ත උපුටා දක්වමින් පුවත් වාර්තා සඳහන් කරන්නේ, අද උදෑසන බ්රෙන්ට් තෙල් මිල 2.19% කින් ඉහළ ගොස් බැරලයක් ඩොලර් 96.13 ක් වූ බවයි. මෙය පෙර දිනයේ වෙළඳපොළ වසාතබන විට පැවැති මට්ටමට වඩා 1.96% ක ඉහළ යෑමකි.
පෙරදී, Goldman Sachs හි විශ්ලේෂකයන් උපුටා දක්වමින් Bloomberg පුවත් සේවය වාර්තා කළේ, මැදපෙරදිග උද්ගතව ඇති නොසන්සුන්තාව, හෝමුස් සමුද්ර සන්ධියේ නාවික ගමනාගමනයට එල්ල වී ඇති බාධා සහ පර්සියානු ගල්ෆ් කලාපයේ රටවලින් තෙල් සැපයුම අඩුවීම හමුවේ, වසරේ සිව්වැනි කාර්තුව වන විට බ්රෙන්ට් තෙල් බැරලයක මිල ඩොලර් 120 ඉක්මවා යා හැකි බවයි.
මේ අතර, යුක්රේනය සහ පර්සියානු ගල්ෆ් කලාපය තුළ පවතින ගැටුම් හේතුවෙන් ගෝලීය ගැසොලින් සහ ඩීසල් ඉන්ධන වෙළඳපොළ තුළ දැඩි අර්බුදකාරී තත්ත්වයක් නිර්මාණය වීමේ අවදානම ඉහළ ගොස් ඇති බව රොයිටර්ස් පුවත් සේවය පෙන්වාදෙයි