මැතිවරණයේ දී ඇඟිල්ල පාට නොකරන්න ගත්තු තීරණයෙන් මිලියන 100ක ඉතිරියක්
www.bbcmirror.lk
www.Lankawebnews.lk
මාධ්යවේදීනි ෆාතිමා සෆාන්
මැතිවරණවලදී ඡන්දය පාවිච්චි කළ බවට තහවුරු කිරීමට ඇඟිල්ලේ තීන්ත ආලේපනය කිරීම අහෝසි කිරීමෙන් මැතිවරණයකදී රුපියල් මිලියන 100ක පමණ මහජන මුදල් ඉතිරිකිරීමේ හැකියාව ලැබෙන බව ‘පැෆ්රල්’ සංවිධානයේ විධායක අධ්යක්ෂ රෝහණ හෙට්ටිආරච්චි මහතා පැවසීය.
මෙම තීරණය සෑම අතින්ම ඉතාම හොඳ තීරණයක් බව ද ‘පැෆ්රල්’සංවිධානයේ විධායක අධ්යක්ෂවරයා සඳහන් කළේය.
‘පැෆ්රල්’සංවිධානයේ ප්රධාන කාර්යාලයේදී අද (24) පැවැති විශේෂ මාධ්ය හමුවකට එක් වෙමින් ඔහු මෙම අදහස් පල කළේය.
මෙම යෝජනාව හදිසියේ මතුවූ එකක් නොව, වසර ගණනාවක් තිස්සේ මැතිවරණ ක්ෂේත්රයේ, දේශපාලන පක්ෂ සහ සිවිල් සංවිධාන අතර සාකච්ඡාවට ලක් වූ කරුණක් බවත් මෙම ක්රමවේදය ඉවත් කිරීමෙන් තීන්ත ආනයනය කිරීම, බෙදා හැරීම සහ ඒ සඳහා අවශ්ය පරිපාලන ක්රියාවලිය සඳහා වැයවන මුදල සැළකිය යුතු ප්රමාණයකින් අඩුවී මැතිවරණ වියදම් අඩු කිරීමෙන් මහජන මුදල්ද ඉතිරි කරගත හැකි බවත් ඔහු පැවසීය.
ඡන්දය ප්රකාශ කිරීමේදී අනන්යතාපත්රය අනිවාර්යය කර තිබීම හේතුවෙන් ඡන්දදායකයාගේ අනන්යතාව තහවුරු කිරීම දැඩි කෙරෙන අතර එම නිසා වෙනත් පුද්ගලයෙකු වෙනුවෙන් ඡන්දය භාවිතා කිරීමේ අවස්ථාද සැලකිය යුතු ලෙස අවම වී ඇත.
ඡන්ද දායකයෙකු ඡන්දය භාවිතා කළ බව තහවුරු කිරීම සඳහා ඇඟිල්ලේ නොමැකෙන තීන්ත ආලේප කිරීම දශක ගණනාවක් සිට ශ්රී ලංකාවේ මැතිවරණ ක්රියාවලියේ කොටසක් බවත් ඡන්ද ලේඛන සකස් කිරීමට තාක්ෂණය භාවිත කිරීමත් සමග හොර ඡන්ද භාවිතා කිරීමට වර්තමානය වන විට අවස්ථාවක් නොමැති බවත් රෝහණ හෙට්ටිආරච්චි මෙහිදී වැඩිදුරටත් පැවසීය.
