රිය පදවන අතරතුර වීඩියෝ දර්ශන නැරඹීමෙන් වළකින ලෙස ශ්රී ලංකා පොලිසිය රියදුරන්ගෙන් ඉල්ලා සිටියි.
www.bbcmirror.lk
www.Lankawebnews.lk
මහජන ආරක්ෂක පණිවිඩයක් නිකුත් කරමින් පොලිසිය සඳහන් කරන්නේ, රිය පදවන අතරතුර වීඩියෝ දෙස බැලීම නිසා ඉදිරියෙන් පැමිණෙන වාහනයක්, පදිකයකු හෝ වෙනත් බාධකයක් මගහැරීමට රියදුරෙකුට ඇති වැදගත් කාලය අහිමි වන බවයි.
වීඩියෝවක් දෙස බැලීමෙන් මාර්ගයෙන් අවධානය තත්පර කිහිපයකට හෝ ගිලිහී ගියහොත්, හදිසි අනතුරකින් බේරීමට ප්රතිචාර දැක්වීම සඳහා ලැබෙන වටිනා කාලය අහිමි වී යයි.
තමන්ගේ ජීවිතය පමණක් නොව, වාහනයේ ගමන් ගන්නා අනෙකුත් පිරිස, පදිකයන් සහ සෙසු මාර්ග පරිශීලකයන්ගේ ජීවිත ආරක්ෂා කිරීමේ වගකීමක් ද රියදුරා සතුව පවතී.
ගමන අවසන් වන තෙක් වීඩියෝ සහ වෙනත් විනෝදාත්මක දේවල් පසෙක තබන ලෙස උපදෙස් දෙන පොලිසිය, වීඩියෝවක් පසුව වුවද නැරඹිය හැකි නමුත් අහිමි වූ ජීවිතයක් නැවත ලබාගත නොහැකි බව අවධාරණය කරයි.