ජාතික ළමා ආරක්ෂක අධිකාරියේ විමර්ශන ශක්තිමත් කිරීමට කඩිනමින් බඳවා ගැනීම් කරන්න ඇමැතිනි සරෝජාගෙන් උපදෙස් දෙයි
www.bbcmirror.lk
www.Lankawebnews.lk
මාධ්යවේදීනි ෆාතිමා සෆාන්
ජාතික ළමා ආරක්ෂක අධිකාරියේ විමර්ශන කටයුතු වඩාත් විධිමත් කිරීම සඳහා අවශ්ය කාර්ය මණ්ඩලය කඩිනමින් බඳවා ගැනීමට පියවර ගන්නා ලෙස කාන්තා හා ළමා කටයුතු අමාත්ය සරෝජා සාවිත්රි පෝල්රාජ් අමාත්යාංශ ලේකම්වරියට සහ අතිරේක ලේකම්වරයාට(පාලන) උපදෙස් දී තිබේ.
ළමා ආරක්ෂණ ක්ෂේත්රයේ පවතින ගැටලු සහ එම ආයතනයේ කටයුතු ශක්තිමත් කිරීම සඳහා ගතයුතු ක්රියාමාර්ග පිළිබඳව ඊයේ (25) අමාත්යවරිය සහ ජාතික ළමා ආරක්ෂක අධිකාරියේ නිලධාරීන් අතර පැවැති සාකච්ඡාවකදී මෙම උපදෙස් ලබා දී ඇත.
මෙම සාකච්ඡාවේදී ළමා ආරක්ෂණයට අදාළ මෑතකාලීන වර්ධනයන් පිළිබඳව දීර්ඝ වශයෙන් අවධානය යොමු වූ අතර, විමර්ශන සහ ඒ ආශ්රිත සේවාවන්හි කාර්යක්ෂමතාව ඉහළ නැංවීම සඳහා ජාතික ළමා ආරක්ෂක අධිකාරියේ දැනට පවතින පුරප්පාඩු පිරවීමේ අවශ්යතාව ද අවධාරණය කෙරිණි.