සංස්කෘතික බැඳීම් ශක්තිමත් කිරීමෙන් රටක සැබෑ සංවර්ධනය උදාකර ගත හැකියි” – අග්රාමාත්ය ආචාර්ය හරිනි අමරසූරිය පවසයි
www.bbcmirror.lk
www.Lankawebnews.lk
මාධ්යවේදීනි ෆාතිමා සෆාන්
රටක සැබෑ සංවර්ධනය උදා වන්නේ භෞතික සම්පත් දියුණු කිරීමෙන් පමණක් නොව, සෑම පුරවැසියකුගේම හදවත් තුළ දේශීයත්වය, සාරධර්ම සහ සංස්කෘතික බැඳීම් ගොඩනැගීම හා ශක්තිමත් කිරීම තුළින් බව අග්රාමාත්ය ආචාර්ය හරිනි අමරසූරිය ප්රකාශ කළාය.
අග්රාමාත්යතුමිය මේ බව කියා සිටියේ දිවුලපිටිය ප්රාදේශීය සභාව හා ප්රාදේශීය මහලේකම් කාර්යාලය එක්ව ප්රථම වරට සංවිධානය කළ “අනුබුද්ධාභි වන්දනා” ප්රාදේශීය පොසොන් මහා පෙරහැරේ සමාරම්භක අවස්ථාවට ජූනි 28 වනදා ප්රධාන ආරාධිතයා ලෙස සහභාගී වෙමිනි.
මෙම අවස්ථාවට මහා සංඝරත්නය ප්රමුඛව විදේශ කටයුතු, විදේශ රැකියා හා සංචාරක අමාත්ය විජිත හේරත්, මුදල් හා ක්රමසම්පාදන නියෝජ්ය අමාත්ය ආචාර්ය අනිල් ජයන්ත, කම්කරු නියෝජ්ය අමාත්ය මහින්ද ජයසිංහ, ගම්පහ දිස්ත්රික් පාර්ලිමේන්තු මන්ත්රී ධර්මප්රිය විජේසිංහ, මන්ත්රීණි හේමමාලි වීරසේකර, දිවුලපිටිය ප්රාදේශීය සභාවේ සභාපතිතුමා ඇතුළු මන්ත්රීවරුන්, ප්රාදේශීය ලේකම්තුමිය, රාජ්ය නිලධාරීන් සහ ප්රදේශවාසීන් විශාල පිරිසක් එක්ව සිටියහ.