BBCMirror.lk . CNNMirror.lk asianewsplusone.com sfmnewslk.com මාධ්යවේදීනි ක්රිෂ්ණා ඩී එදිරිසිංහ, කොළඹ.
ඉවත්කළ වාහන 76ක් යුද්ධ හමුදාවෙන් නවීකරණයට.
මාසයකට රුපියල් මිලියන දහයක ඉතිරියක්.
ශ්රී ලංකා යුද්ධ හමුදාපති ලුතිතන් ජෙනරාල් ලසන්ත රුද්රිගෝ මහතාගේ උපදෙස් පරිදි දිගුකාලීනව භාවිතයට ගෙන අයෝග්ය තත්ත්වයට පත්කර තිබූ වාහන 76 ක් අලුත්වැඩියා කොට නවීකරණය කිරීමට ශ්රී ලංකා යුද්ධ හමුදාව විසින් කටයුතු කරන ලදී.
ක්ලීන් ශ්රී ලංකා වැඩසටහනට සමගාමීව ක්රියාත්මක කළ ව්යාපෘතියක් යටතේ නවීකරණය කල මෙම වාහන නැවත යුද්ධ හමුදාවේ සේවය සඳහා එක් කිරීමට හැකිවීම තුලින් යුද්ධ හමුදාව සඳහා විදෙස් රටවලින් වාහන ගෙන්වීමට වැය වන අතිවිශාල විදේශ විනිමය ප්රමාණයක් ඉතිරි කරගැනීමට හැකියාව ලැබී ඇත.
එසේම මෙම වාහන නැවත භාවිතයට යෙදවීම තුලින් යුද්ධ හමුදාව විසින් කුලී ගෙවීමේ පදනම මත ලබා ගන්නා ලද වාහන සඳහා මාසිකව වැයකරන රුපියල් මිලියන 10 ක පමණ මුදල් ප්රමාණයක් රජයට ඉතිරි කර දීමටත් එමගින් හැකියාව ලැබේ.
ශ්රී ලංකා යුද්ධ හමුදා විදුලි හා යාන්ත්රික ඉංජිනේරු රෙජිමේන්තුව විසින් ක්රියාත්මක කල මෙම ව්යාපෘතියේ පළමු අදියර යටතේ ට්රක් රථ, බස් රථ, වතුර බවුසර්, යුනි බෆල් රථ, කැබ් රථ, ගිලන් රථ, වෑන් රථ, ගලි බවුසර් ඇතුළු වාහන 76ක් මෙලෙස නවීකරණය කර ඉකුත් 24 දින සිට යළි සේවයට එක් කරන ලදී.