Local News

SLS ප්‍රමිති සහතිකය නොමැතිව ප්‍රමිතියෙන් තොර වානේ කම්බි නිෂ්පාදනය කළ කර්මාන්ත ශාලාවක් මුද්‍රා තැබීමට පාරිභෝගික කටයුතු පිළිබඳ අධිකාරිය කටයුතු කර තිබේ.

AdminEditor

www.bbcmirror.lk

www.Lankawebnews.lk

මාධ්‍යවේදීනි ෆාතිමා සෆාන්

ලැබුණු තොරතුරකට අනුව එම අධිකාරියේ නිලධාරීන් ඊයේ (09) සිදුකළ හදිසි වැටලීමකදී මෙම නීතිවිරෝධී ක්‍රියාව අනාවරණය වී ඇත.

විමර්ශනවලදී හෙළිව ඇත්තේ, අදාළ හොමාගම පිහිටි කර්මාන්ත ශාලාව වසර තුනකට ආසන්න කාලයක් මෙම ස්ථානයේ පවත්වාගෙන ගොස් ඇති අතර, අනෙකුත් නිෂ්පාදන සමග මිලිමීටර් 6 ප්‍රමාණයේ ප්‍රමිතියෙන් තොර යකඩ කම්බිද නිෂ්පාදනය කර වෙළෙඳපොළට නිකුත් කර ඇති බවයි.

ශ්‍රී ලංකා ප්‍රමිති ආයතනයේ අනුමත SLS සහතිකය නොමැතිව මෙම නිෂ්පාදන වෙළෙඳපොළට නිකුත් කිරීම හේතුවෙන් කර්මාන්ත ශාලාවට මුද්‍රා තැබූ අතර, සිද්ධිය සම්බන්ධයෙන් ඉදිරි විමර්ශන ක්‍රියාත්මක බව පාරිභෝගික කටයුතු පිළිබඳ අධිකාරිය සඳහන් කළේය.

මීට අමතරව, SLS ලාංඡනය නොමැතිව ප්‍රමිතියෙන් තොර වානේ කම්බි නිෂ්පාදනය කිරීම සම්බන්ධයෙන් අදාළ සමාගමට එරෙහිව නීතිමය ක්‍රියාමාර්ග ගැනීමටද පියවර ගන්නා බව එම අධිකාරිය වැඩිදුරටත් දැනුම් දී තිබේ.

Spread the love

245 thoughts on “SLS ප්‍රමිති සහතිකය නොමැතිව ප්‍රමිතියෙන් තොර වානේ කම්බි නිෂ්පාදනය කළ කර්මාන්ත ශාලාවක් මුද්‍රා තැබීමට පාරිභෝගික කටයුතු පිළිබඳ අධිකාරිය කටයුතු කර තිබේ.”

Leave a Reply

Your email address will not be published. Required fields are marked *